S

Madaxwaynaha Soomaliya Oo La Kulmay Raysal Wasaaraha Dalka Ingiriiska

Madaxwaynaha dalka soomaaliya ayaa si wayn loogu soo dhaweeyey guriga looga arimyo wadanka ingiriiska dawning street iyadoo albaabka hore ee gurigaasi uu kaga hor yimi wasiirka arimaha dibada ee dalkaasi Mr David milban.

Sheekh Shariif Sheekh Axmed ayaa markii uu gudaha u sii galay aqalkaasi ayaa waxaa isna halkaasi si diiran ugu soo dhaweeyey raysal wasaaraha dalka Britain Mr Gorden Brown iyadoo salaan ka dib ay labada masuul ka wada hadleen xaalada guud ee dalka soomaaliya.

Gorden Brown raysal wasaaraha ingiriiska ayaa waxaa uu sheegay inay ka taageeri doonaan dawlada soomaaliya dhinacyada amaanka iyo waliba la dagaalanka argagaxisada si aysan gabaad uga dhigan wadankaasi soomaaliya.

Madaxwaynaha soomaaliya ayaa inta uu ku sugan yahay dalka ingiriiska waxaa uu kulamo la qaadan doonaa jaaliyadaha soomaalida ee ku nool wadanka ingiriiska isagoo markaasi lagu wado inuu kala hadli doono sidii ay jaaliduhu u taageeri lahaayeen dawlada somalia,waana markii ugu horaysay ee uu madaxwayne shariif sheekh axmed la kulmo raysal wasaaraha ingiriiska tan iyo intii loo doortay jagadaasi.

 

holhol.net

holholnews@hotmail.com