S

Shir jaraa'id oo uu maanta ku qabtay guriga uu degan yahay ayuu Garaad C/Rashiid
Garaad Ismaaciil kaga warbixiyey xaalada nabadgelyo ee beryahan ka soo daraysa ee ka
taagan magaalada Laascaanood isagoo taabtay dhowr qarax oo is daba joogay oo
beryahan ka dhacay magaalada Laascaanood kuwaas oo dhimasho, dhaawac iyo burburba
geystay.
Garaad c/rashiid waxa uu sheegay in qaraxyada noocan ahi yahiin arimo ku cusub
deegaanka, keenayaana dhibaato joogto ah iyo nabagelyada oo sii xumata, loona baahan
yahay in si wada jir ah looga hortago kuwa dhibka wada, mana ah ficil wanaag keeni
kara, marka wuxuu u soo jeediyey Garaadku dadka ku nool deegaanka Laascaanood iyo
agagaarkeeda inay nabadgelyadooda iyo midnimadooda ilaashadaan meelna uga soo wada
jeestaan wax kasta oo nabadgelyo xumo keeni kara, lana shaqeeyaan ciidanka
nabadgelyada gobolka. Lama sheegin meel qaraxyo ka dhaceen oo waxaan colaad iyo
bur-bur ahayn ay keeneen, waxa looga gudbi karaana waa isku duubni, iyo wada tashi
qofkii wax diidan ama cabasho qabaa nooca ay doontaba ha ahaatee wada hadal ha ku
raadiyo kaasaa xal lagu gaari karaaye'. Qaraxa dhimashada iyo dhaawacyada geysanaya
kuwa ka  danbeeya miyay ka quusteen aakhiradoodii, miyay ilaaween in illahay kula
xisaabtami doona cadaab kululina hoy u noqon doonto, oon laga
cafinaynin.

Waxuu garaadku ugu baaqay shacabka, waxgaradka deegaanka iyo cid kasta oo danaynaysa
nabada gobolka, inay ka shaqeeyaan nabadgelyada iyo horumarka deegaanka iskana
kaashadaan. Waxiii wax u dhimayana si wada-jir ah uga hortagaan. qofkii gobolka wax
u qabanayaa nabadgelyada gobolka awooda ha saaro, hana ka shaqeeyo colaada gobolkana
ha ka hortago. Gobolku nabad buu doonayaa mayya! colaad iyo wax bur-bur u keena. Ku
quduro qaata waxa ka taagan Xamar iyo Boosaaso ayuu garaadku hadalkiisii ku soo
gabagabeeyey.

 

K saleeban